Noraboa!!! Esta
é a palabra que máis oímos cando nace un pequeno. É verdade, é unha grande
noraboa!
Ser
pai ou nai é unha gran alegría, e tamén unha responsabilidade. Desde o momento
en que o neno vén ó mundo, hai que mirar pola vida que empeza: haina que
coidar, protexer e axudar a medrar.
Na
celebración do Bautismo, dámoslle grazas a Deus pola vida e asumímo-lo
compromiso de educar na fe a quen acollemos na Igrexa do Señor.
“Aconteceu por aqueles
días que chegou Xesús desde Nazaret da Galilea, e Xoan bautizouno no Xordán. E
de seguido, mentres saía da auga, viu abrirse o ceo e baixar sobre El, como
unha pomba, o Espírito Santo. E unha voz deixouse oír desde o ceo: Ti e-lo meu
fillo benquerido, o meu predilecto” (Mc 1, 9-11)
“Polo bautismo somos
liberados do pecado e rexenerados como fillos de Deus, chegamos a sermos
membros de Cristo, somos incorporados á Igrexa e participamos na súa
misión” (Catecismo Igrexa Católica nº
1213).
Segundo
as normas da Igrexa, para ser padriño/madriña
de bautismo é preciso:
- Ter cumpridos os 16 anos.
- Ser católico e estar
confirmado.
- Levar unha vida de acordo coa
fe e coa misión que se asume de acompañar no proceso de educación da fe
do/a pequeno/a.
